TVB播放中的十年前仓底剧《兰花刼》虽然有三大花旦苏玉华、田蕊妮同胡定欣主演，但画面由4K一下跌番落标清，内容严肃唔讨好，师奶唔受乐，年轻人又唔睇。剧集播出至今视收奇差，平均收视得18.1点，成功登上TVB最低收视剧集头十位！不过低处未算低，其实近年都有唔少剧集可以同《兰花刼》(的低收视)匹敌，你又觉得边套最唔掂呢？

《兰花劫》

十年仓底剧《兰花劫》有三大花旦苏玉华、田蕊妮同胡定欣坐阵，虽然三大花旦完美冻龄，青春常驻，但画面由《不懂撒娇的女人》的4K一下子跌到标清，内容仲要讲姊妹情仇加冤狱，剧情冷门，师奶耍手兼拧头，熄电视都唔睇你。剧集播出至今口碑麻麻，平均收视得18.1点，大家都想快啲睇《赌城群英会》，或者不如睇ViuTV啦？

《巾幗梟雄之谍血长天》

《巾幗梟雄之谍血长天》虽然有视帝祥黎耀祥担正，但剧集一早喺myTVSUPER收费电视播完，之后先喺TVB翻播，想睇的观眾一早睇哂。之前《巾幗》系列叫好叫座，邓萃雯的精湛演出功不可没，但今次换上胡杏儿，令观眾追看意欲大减。而且翡翠台版本係删除了强暴、鸡姦等话题片段，所以得20点都係意料中事。

《我瞒结婚了》

较近期的《我瞒结婚了》由洪永城、黄翠如及黄浩然主演，剧集以瞒婚做引子，讲述两男争一女的故事，大家都好期待翠如BB情归何处。可惜两位主角洪永城同翠如BB演技唔多讨好，中后期剧情开始派胶，例如用汽球带人飞越鲤鱼门、生Cancer等等。而结局为免顺得哥时失嫂意，仲要夹硬加个国產翠如出嚟，夹硬拍成大团圆结局，收视自然惨不忍睹。

《金枝慾孽贰》

由视后邓萃雯担正一样滑铁卢的《金枝慾孽贰》，阵容星光熠熠，本以为可以延续《金枝慾孽》的声势。谁不知反高潮，低收20.6点。由於剧集係幕后黄金组合戚其义同周旭明离巢后的作品，而部份演员同TVB的合约不明朗，所以播前宣传冷落。雯女更炮轰剧集零剧本、「飞纸仔」，安排散乱，令製作质素下降。

《来自喵喵星的妳》

由《鬼同你OT》原班人马炮製，集陈豪及两大影后田蕊妮、胡定欣等多位当红演员，理应轻易取得高收视。可惜事与愿违，剧集只得20.8点收视。全套剧最大问题就係田蕊妮临近四十扮猫噁心造作，而且剧程唔连贯，唔知讲乜，观眾梗係睇都唔睇啦。

《实习天使》

除咗《我瞒结婚了》，都係由洪永城担正的《实习天使》，可以话係近年胶剧之最。剧集被指出情节谬误多多，有违常理，同现实中护士的工作大相逕庭，而且奇怪剧情浪接浪！先係有议员hehe情节，又有洪永城屋企烧衣纸的恐怖场面，再由护士化为神探跟踪绑架匪徒，仲有香香夹硬除衫情节！胶味甚浓，最终只得22点收视。