4K全实景拍摄嘅《不懂撒娇的女人》已经大结局，紧接嘅竟然係仓底剧《兰花刼》！呢一套《兰花刼》其实係10年前拍落，由田蕊妮、苏玉华、唐寧、胡定欣及陈锦鸿等主演，今日竟然破土而出，认真估佢唔到！虽然剧集画质不敢恭维，但喺日前播出的一集中，大家好掛住嘅唐寧终於出场！大家都激讚佢美貌十年如一日，即时现已为人妻人母，但同电视中嘅「25岁唐寧」好似冇分别咁！

无綫：《兰花刼》乃片库中沧海遗珠

《兰花刼》喺10年前拍落，用4：3标清技术拍摄，不过无綫就话会重新以数码技术优化声画，仲话係片库中嘅沧海遗珠，而且罕见地以女子监狱为背景。主角就有三姐妹，大家姐为田蕊妮，二家姐为苏玉华，细妹则由唐寧出演！内容讲述苏玉华结婚前被控谋杀养母入狱，咁啱相遇自幼失散担任教化官嘅妹妹唐寧，唐寧连同田蕊妮重拾姊妹情，两姊妹为苏玉华洗脱罪名四处奔走。点知后来两姐妹竟发现苏玉华嘅种种诡计，引发之后的紧张剧情！

唐寧美貌十年不变

日前播出的一集，就係话身为教化官嘅唐寧终於出场，叫啲囚犯步操。当时田蕊妮在狱中嘅饭堂做打杂，而苏玉华就係一名被欺凌嘅囚犯。但係因为失散多年，所以大家都认唔到对方。唐寧已经好耐无喺电视上出现，但係其实不论係十年前定依家，唐寧都一样係咁靚，无乜点变过！

唐寧年时宣布与舞台剧导演邓伟杰结婚，之后诞下一子一女，不过靚样十年如一日，都係咁有青春气息！

唐寧经典角色回顾

《大唐双龙传》－师妃暄

年热播嘅《大唐双龙传》获不少好评，成功令数位主角红起来，其中一位就係唐寧饰演嘅师妃暄！淡青白色长衫、不食人间烟火的感觉，仙气阵阵！虽然入面角色好打得，但係唐寧连拎住剑嘅打斗场面，都令人觉得好pure好true！当时唐寧嘅演技、靚样同气质都赢晒！

《恋爱自由式》－游颖

对於港產偶像剧，各位80，90后除《四叶草》之外，一定会记得《恋爱自由式》！唐寧喺呢套剧里面担任其中一个女主角，饰演陈文媛细妹游颖。有人就话游颖呢个角色性格倔强，观眾正路就多唔钟意，但係出乎意料之外，不少男观眾竟然觉得好正好有性格，果然唐寧真係靚到大家都唔忍心讨厌佢！

叶念琛《爱情四部曲》－阿蚊

除方力申同邓丽欣，唐寧都係叶念琛电影《爱情四部曲》系列中嘅御用演员。而唐寧每一次叶念琛嘅电影，都会有声嘶力竭嘅喊戏，相当考演技。叶念琛导演事隔多年再邀请唐寧出演《纪念日》，呢次导演就话「怀疑佢食咗防腐剂！」因为唐寧拍完几部曲个样都无变过，实在係一个美人，同邓丽欣比一啲都唔输蚀！

赞赏

长按







































北京中科白殿疯在哪里
北京中科白癜风联合诊疗中心