TVB自從開始咗一個星期嘅黃金時段都播劇之後，啲劇自然播得快，快來快去，供不應求，遲早出事，咁開咗個頭，拍唔切自家製作，又唔想買外購劇，又真係好難搞，咁TVB竟然諗到一條「絕世好橋」，就係拎番晒以前剩係喺無綫收費電視台播過嘅劇出嚟見光!!!最重要係呢啲劇未喺公仔箱播過，咁就可以拎番喺黃金時段播!講緊就係大台年製作嘅《蘭花劫》，無綫落實將緊接《不懂撒嬌的女人》播完後推出《蘭花劫》。你冇聽錯!!!「人生有幾多個十年」，而呢套《蘭花劫》足足等足10年，去到大台「缺貨」階段先有機會「重見天日」……你話幾咁唏噓呢!講番呢套成10年前嘅製作，卡士有蘇玉華、田蕊妮、唐寧及陳錦鴻等，故事背景係講民初三姊妹嘅恩仇!其實之前無綫收費台已重播呢套劇N次，不過一直未有機會上公仔箱，而唐寧同陳錦鴻已離開大台多年，o依家先拎番出嚟播，似乎有啲……對於倉底「遺珠」《蘭花劫》，TVB今日回應傳媒查詢：「該劇於年製作，同年透過TVBI發行至海外市場播映，乃無綫劇集片庫中的滄海遺珠，主要演員蘇玉華、田蕊妮、唐寧、胡定欣、陳錦鴻、黃智賢及胡諾言等全程投入，用心演出，贏得不少好評，而劇集當年並於香港第一所監獄－中環域多利監獄取景，真實感強烈。《蘭花劫》將重新以數碼技術優化聲畫，誠意值得向觀眾推介，該劇將由5月29日起逢周一至日晚上9時30分播映。」講劇情呢套倉底「遺珠」，劇情係唔差，講蘇玉華演嘅炎沛湖，喺年原本要嫁俾上海富商做少奶奶，點知謀殺養母而入獄，後嚟重遇自幼失散多年嘅大家姐「江麗雅」田蕊妮同細妹唐寧「蘇菲」，重拾姊妹情，點知蘇玉華為咗唔想坐監，就收賣醫生，告知田蕊妮身患「絕症」，令田蕊妮甘願代蘇玉華頂罪，一心入獄做死囚，點知後來獄醫講俾田蕊妮知，佢根本冇病，只係蘇玉華俾田蕊妮食嘅「藥」有副作用，令田蕊妮以為自己真係有病，一切都係蘇玉華預先安排，為咗救田蕊妮莓逃獄，身為教官嘅唐寧知法犯法，協助麗雅逃獄，蘇玉華為求自保，對麗雅趕盡殺絕，最終連唐寧都殺埋，田蕊妮就槍殺蘇玉華，幫唐寧報仇!

赞赏

长按







































中科白殿疯医院怎么样
最好的白癜风医院是哪个